Нарадзіўся:
30 верасьня 1931
Слабада, Лагойскі раён, Менская вобласьць, БССР
Грамадзянства:
Беларусь
Род дзейнасьці:
паэт, грамадзкі дзеяч
Гады творчасьці:
з 1946
Не павераць, напэўна, нашчадкі,
Што такія былі ў нас парадкі,
Што дурнілі нас так верхаводы –
Ненавіснікі нашай свабоды,
Нашай мовы, і кнігі, і песні,
Нашых скарбаў і нашых святынь, -
Усяго, што мы ў душах пранеслі
Праз стагоддзяў смяротную стынь.
Як жа сталася, як гэта выйшла,
Што пад выжлаю шчэрыцца выжла,
А пад быдлам скацініцца быдла,
А пад хлусам крыўляецца хлус,
Ніл Гілевіч аддае подпiс за беларускую мову
Народны паэт Беларусі Ніл Гілевіч паставіў подпіс пад зваротам да вышэйшых дзяржаўных органаў з патрабаваньнем фактычнай роўнасьці беларускай мовы з расейскай.
30 верасьня, у дзень народзінаў Ніла Гілевіча яго наведалі лідэры "Маладога фронту" Зьміцер Дашкевіч і Наста Палажанка.
Яны падарылі спадару Гілевічу прэзэнтаваную ў верасьні кнігу "Маладафронтаўцы". Ніл Гілевіч сказаў, што “ўсьцешаны маладым пакаленьнем і бяз моладзі, якая моцна прагне зьменаў і змагаецца за іх, ягонае жыцьцё было б марным".
Ніл Гілевіч падпісаўся пад зваротам, які інцыяваў "Малады фронт" у межах кампаніі "За - беларускую мову!".
Паводле Зьмітра Дашкевіча, спадар Гілевіч зазначыў, што “палажэньні, выкладзеныя ў звароце - фактычная роўнасьць беларускай мовы з расейскай і іншыя - гэта толькі мінімум, выкананьне якога мы мусім патрабаваць ад улады".
